လောကကြီးဘယ်ကစဖြစ်လို့ဘယ်မှာဆုံးလဲဆိုတာတော့ ကျွန်တော်တို့ဗုဒ္ဓဘာသာမှာ မြတ်စွာဘုရားဟောကြား ခဲ့ခြင်း ဖြေကြားခဲ့ခြင်းမရှိဘူးလို့ ကျွန်တော်မှတ်သားမိပါတယ်။ ဘာလို့မဟောကြားခဲ့လဲဆိုရင် သိလို့လဲ နိဗ္ဗာန် ရောက်ကြောင်းလမ်းကြောင်းမှာ အကျိုးမများလို့ ဆိုပါတယ်။ တခြားဘာသာတွေမှာတော့ထာဝရဘုရား ကဖန် ဆင်းတော်မူလိုက်လို့ လူသားရယ်လို့ဖြစ်လာတယ်လို့ဆိုပါတယ်။ ဒါဝင်ကတော့လူ ဆိုတာမျောက်က ဆင်းသက် လာတယ်လို့တင်ပြရင်း တခြားအမြင်တွေကနေသွေဖီဖို့ကြိုးစားခဲ့ပါတယ်။
----------------------------------------
ဘာတွေဘယ်လိုဘဲအမြင်တွေ ယူဆချက်တွေ ယုံကြည်ချက်တွေကွဲပြားနေကြပါစေ လူသားတွေမှာတူညီတဲ့ ခံစားချက်တော့ရှိတယ်လို့ကျွန်တော်ယူဆမိပါတယ်။ ဒါကဘာလဲဆိုတော့ ကြောက်စိတ်ပါ။ လူတိုင်း ကြောက် တတ်တယ်လို့မပြောပဲ မင်းကကြောက်တတ်တဲ့ကောင်ပဲ ငရွှေအောင်လို့ပြောရင်ကျွန်တော် ခုခံချေပဖို့ စကား လုံးတွေ ရှာတော့မယ်ဆိုတာ မလွဲဧကန်ပဲဖြစ်ပါတယ်။ ဒီလိုပဲမိတ်ဆွေလဲ ခုခံမှာပဲလို့ကျွန်တော် ယူဆပါတယ်။ ကျွန်တော်ပြောတာမှားတယ်ဆိုရင် ကိုယ်တိုင်သေခြာမေးကြည့်ပါ။ မလိမ်ပဲဖြေလိုက်ပါ ငါလဲကြောက်တတ် တယ်လို့။ ကြောက်တယ်လို့ပြောရမှာရှက်စရာလို့ထင်ပါသလား။ ကိုယ်တိုင်မေးပြီး ကိုယ်တိုင်ဖြေတာမဟုတ် ရင် တော့ရှက်စရာလို့တော်တော်များများဖြေမယ်လို့ ယူဆပါတယ်။ ကိုယ်တိုင်မေးပါ သေခြာတွေးပြီးဖြေလိုက်ပါ ကြောက်တာရှက်စရာမဟုတ်ပါဘူး။ ကိုယ့်ကိုကိုယ်ညာပြီးဖြေတာကမှ ရှက်စရာပါ။
-----------------------------------------
အမှန်အတိုင်းမြင်လိုက်ပါ။ ကျွန်တော်တော့ အကောင်းမြင်ဝါဒကိုလက်မခံတော့ဖို့ကိုယ့်ကိုကိုယ်ဆုံး ဖြတ်ထားပါ တယ်။ အကောင်းမြင်ဝါဒဆိုတာ အမှန်ကိုသကာအုပ်ထားတာပါ။ အင်မတန်ခါတဲ့ဆေးလေး သောက်လို့ဝင် အောင်အပေါ်မှာသကြားအုပ်ထားတော့ကျွန်တော်တို့လွယ်လွယ်ကူကူ သောက်လို့ရသွားတယ်။ ဒါကမခါးတော့ တာမဟုတ်ဘူး။ ခါးမှန်းမသိတော့တာ။ ဟုတ်ပီဒါဆိုခါးတာကိုဘယ်နေရာကသိတာလဲ။ လျှာကသိတယ်လို့ဖြေ မယ်။ ဦးနှောက်ကမသိဘူးလား ဒီဆေးခါးမယ်လို့။ ဦးနှောက်ကတော့ကောင်းကောင်းသိတာပေါ့ ဒီဆေးခါးမယ် ဆိုတာ။ ဒါဆိုခါးမှန်းသိတဲ့ဆေးကိုဘာလို့သကြားအုပ်ထားလဲ။ ခါးမှာကိုမခံစားချင်လို့။ တနည်းခါးတာကို ကြောက်လို့။ ဒါကျွန်တော်တို့ဦးနှောက်ကို ကျွန်တော်တို့ညာကြည့်တာ။ ခန္ဓာကိုယ်ထဲမှာရှိတဲ့ရေနဲ့တွေ့ရင် ဒီသ ကြားလေးပျော်သွားမယ်။ ပျော်သွားရင်အခါးဓာတ်တွေထွက်လာမယ်။ ဒါပေမယ့်ကျွန်တော်တို့မသိတော့ဘူး။ ခါးတာကိုလက်တွေ့ခံစားသိတာကိုလျှာ။ လျှာကမှဦးနှောက်ဆီကိုသတင်းပို့လို့ခါးပါတယ်လို့ဦးနှောက်ကဆုံးဖြတ် တာ။ ဒီတဒင်္ကလေးအတွက်သကြားအုပ်ပေးတာ။
--------------------------------------------------
သကြားအုပ်တာမှားတယ်လို့မဆိုလိုပါဘူး။ မမှန်တော့မမှန်ဘူး။ ကျွန်တော်အခုပြောတဲ့သကြားက တကယ့်သ ကြားကိုဆိုလိုတာမဟုတ်ဘူး။ အကောင်းမြင်ဝါဒကိုပြောတာပါ။ ကျွန်တော်တို့နေရာတကာမှာ အကောင်းမြင်နေ လို့မရပါဘူး။ ကိုယ့်ကိုကိုယ်ပြန်စမ်းစစ်ဖို့လိုပါတယ်။ အကောင်းမြင်ဝါဒ မကောင်းဘူးလို့မဆိုပါဘူး။ အကောင်း မြင်ဝါဒသိပ်ကြီးစိုးသွားရင် အမှန်ကိုဖုံးသွားတတ်ပါတယ်။ သတ္တ၀ါဆိုတာနဂိုကတည်းကအကြောက်တရား ခန္ဓာ မှာတည်ဆောက်ထားတဲ့ အကောင်အထည်ပါ။ အကြောက်တရားကို အကောင်းမြင်ဝါဒလို့ခေါ်တဲ့ သကာပါးပါး လေးအုပ်လိုက်ကြမှာကိုကျွန်တော်တော့ တော်တော်ဆိုးရိမ်ပါတယ်။ ကိုကိုယ်တိုင်လဲ စိုးရိမ်လို့ အကောင်းမြင် ထက်အမှန်မြင်ဝါဒကိုပိုပြီးအလေးပေးဖို့ ကြိုးစားနေတာပါ။
-------------------------------------------------------
အမှန်မြင်ကြည့်ပါ။ ကိုယ်တိုင်ကိုရော ကိုယ့်ပတ်ဝန်းကျင်ကိုရော။ တတ်နိုင်ရင်တော့တလောကလုံးကိုရောပေါ့ ဗျာ။ လောကမှာအမှန်မြင်မှဒုက္ခဆိုတာကိုတွေ့မှာပါ။ ဒုက္ခကိုအမှန်အတိုင်းမြင်မှသုခကိုရှာချင်မှာပါ။ ကျွန်တော် တရားဟောနေတာမဟုတ်ပါ။ အနည်းဆုံးတော့ကိုယ့်ကိုကိုယ်နဲ့ ကိုယ်နိုင်ငံအတွက် အမှန်မြင်လေးကြည့်ပေး ပါ။ ကျွန်တော်ကတော့အကောင်းမြင်ဝါဒအပြင် အဆိုးမြင်ဝါဒကိုပါစွန့်လွှတ်နိုင်အောင် ကြိုးစားနေပါတယ်။ လောက မှာသူဘာလုပ်နေလဲဆိုတာထက်ကိုဘာလုပ်နေလဲကပိုအရေးကြီးတယ်လို့ကျွန်တော်တော့ခံယူပါတယ်။ သူများ မပြစ်တွေကိုပြောပြီးကိုယ့်ကိုကိုယ်သကာမအုပ်လိုက်ပါနဲ့။ ကိုယ့်မှာသကာထူထူကြီးအုပ်ထားရင်ပါးသွား အောင် လေ့ကျင့်ပါ။ ပါးပါးလေးအုပ်ထားရင်ကွာသွားအောင်လုပ်လိုက်ပါ။ တစ်ဦးချင်လွတ်လပ်မှုကို ကိုယ့်ကိုတိုင်မှာ ရှာပါ။ ကိုယ့်ကိုကိုယ်ကာကွယ်ထားတဲ့ ဟန်ဆောင်မှုသကာပါးပါးလေး ကွာသွားတဲ့နေ့ကျရင် ကျွန်တော်တို့ လွတ်လပ်သွားပါလိမ့်မယ်။ ဟန်ဆောင်မှုသကာလေးကကျွန်တော်တို့ကြောက်စိတ်ကို ကာကွယ်ပေးနေတယ်။ ကျွန်တော်တို့ဟန်ဆောင်မှုသကာလေးကွာတဲ့နေ့ဟာ ကြောက်စိတ်ရှိနေပေမယ့်လွတ်လပ်တဲ့ စိတ်ကို ကျွန်တော် တို့ပိုင်ဆိုင်ကြမှာပါ။
----------------------------------------------------
ခန္ဓာရှိနေသရွေ့ကြောက်စိတ်ရှိမှာပါ။ ကြောက်စိတ်ကိုမရှက်ပါနဲ့။ ဟန်ဆောင်စိတ်ကိုပဲ ရှက် ပါ။ အမှန် အတိုင်းမြင်ပါ။ ဟန်ဆောင်သကာတွေခွာပြီးလွတ်လပ်စွာနေပါ။ ပတ်ဝန်းကျင်ကိုလဲလွတ်လပ်မှုမျှဝေလိုက်ပါ။ လွတ်လပ်တဲ့စိတ်ဟာအမှန်ကိုမြင်ပြီး ကြောက်စိတ်ရှိနေရင်တောင် အမှန်အတွက်ရင်ဆိုင်ရဲမှာပါလို့ယူဆရင်း။ လွတ်လပ်စွာသဘောထားကွဲနိုင်ပါတယ်။
××××××××××××
-ရွှေအောင်
5 comments:
ဖြစ်သင့်တာတော့ ကြာနေပြီဟာ။ တကယ်ကိုပဲ ကိုယ့်လွတ်လပ်မှုကို ကိုယ်တိုင် စွန့်လွှတ်ပြီး မျှောလိုက်နေခဲ့ကြတာ ဘယ်လောက်ကြာပြီလဲ။ ဖြစ်သမျှအကြောင်း အကောင်းချည်းပဲဆိုပြီး ပြီးပြီးရောနေနေကြသ၍ အင်း........... အထည်ကြီးပျက်ဘ၀က ကျွတ်နိုင်ဖို့ ဝေးပါ့။ လွတ်လပ်စွာ ထုတ်ဖော်သွားတယ် သူငယ်ချင်းရေ့..............
အသိဉာဏ်နုနယ် မရင့်ကျက်တဲ့ လူမမယ်ကလေးငယ်တွေကို ဆေးတိုက်တဲ့အခါ “သားရေ...လာလာ။ ချိုပါတယ်ကွယ်။ တဇွန်းထဲပါ၊ သောက်လိုက်ရအောင်နော်။ ဒါဆို သားသားနေကောင်းသွားမှာ။ ဦးဦးဆရာဝန်ကြီးက ပြောတယ်ဟုတ်လား။ သားက လိမ္မာတယ်နော်”
စသဖြင့် သကြားအုပ်ထားတဲ့ ဆေးကို တိုက်ကြရတယ်။
ဒါပေမယ့် အသိဉာဏ်ရင့်ကျက်လာပြီ ဖြစ်တဲ့ လူကြီးဘ၀ကိုရောက်တဲ့အခါမှာ ဆေးခါးကြီးမှန်းသိပေမယ့်လည်း ရောဂါပျောက်ရေးအတွက် ကြိတ်မှိတ်မျိုချတတ်လာပါပြီ။
လူကြီးဖြစ်တဲ့အထိ “သကြားအုပ်ထားတဲ့ ဆေး” ကိုတောင့်တနေမယ်ဆိုရင် ဒီလူကြီးဟာ နုနယ်သူ၊ မရင့်ကျက်သူ၊ ဇီဇာကြောင်သူအဖြစ် ရောက်သွားနိုင်ပါတယ်။ သတိထားဖို့က လောကကြီးမှာ ဆေးဝါးတိုင်းကို သကြားအုပ်ထားတာမျိုး မရနိုင်ပါဘူး။
ဒီပို့စ်ကို ရေးတဲ့အတွက် ကျေးဇူးပါ။ ဒီလိုပို့စ်မျိုး ကျနော်ရေးထားခဲ့ဘူးပါတယ်။ ပို့စ်အနေနဲ့ မတင်ဖြစ်သေးတာပါ။ ကျနော် အခု ပြန်ရှာပြီး အိမ်မှာ ရှိတယ်ဆိုရင် တင်ပေးပါမယ်။
ကုမ်ရာသီသူရေ.. ကိုယ်ပိုင်လွတ်လပ်ခွင့်ကိုပိုင်ဆိုင်နိုင်ပါစေ...
ကိုပေါရေ...
ကျွန်တော်လဲ ကိုယ့်ကိုကိုယ်ပဲဆုံးမဖို့ရေးနေမိတယ်...
ကျွန်တော့်အတွေးတွေက အမြဲကန့်လန့်ဖြစ်နေတတ်တော့ လာဖတ်တဲ့လူတွေကိုအားနာပါတယ်.. ဟီး (ကိုပေါရေးတဲ့ အားနာခြင်းဆိုတာမှာ ကျွန်တော်ဝင်မဖြေတာ ကိုယ်ကိုတိုင် အဖြေကိုအားမရသေးလို့)
အမှန်ပဲဗျာ..နေရာတိုင်း အကောင်းမြင်နေတဲ့အကျင့်ကြီး ဖြစ်နေတာ တော်တော်ဆိုးတယ်ဗျာ။ လူတယောက်ကို အကောင်းမြင်တယ်ဆိုတဲ့သူမှ စိတ်ကောင်း နှလုံးကောင်း ရှိတဲ့သူ၊ ပေါင်းသင်းဆက်ဆံရတာ အဆင်ပြေတဲ့သူလို့  အများက သတ်မှတ်ထားကြတော့(သတ်မှတ်ထားသလို ဖြစ်နေတာ) လူအတော်များများက ဒီလမ်းကြောင်းကြီး အတိုင်း မသွေဖီပဲ လျှောက်ဖို့ ကိုဖြစ်နေတယ်။ ကျွန်တော် ကိုယ်တိုင် ကောပဲ။
ဒီ post ကိုလည်း အတော်ကြိုက်တယ်ဗျာ။ ဘာဝါဒပဲ ဖြစ်ဖြစ် သူ့ နေရာနဲ့ သူဆိုတာ ရှိသင့်တယ် ထင်တယ်။
ကျွန်တော့် blog မှာ ဒီ post ကိုရည်ညွှန်းခွင့် ပြုလို့ ရမလား request လုပ်ချင်ပါတယ်။ ပွင့်လင်းစွာ reply လုပ်နိုင်ပါတယ်။
ကိုနေညို... ကျေးဇူးတင်ပါတယ်..
ဘယ်အချိန်မဆိုရည်ညွှန်းပါလို့
Post a Comment